இசைத்தமிழ்க் கலைஞர்கள் நூல் தேவைக்கு!

 

 இசைத்தமிழ்க் கலைஞர்கள் நூல் இசையார்வலர்களால் பெரிதும் போற்றப்படும் நூலாக வெளிவந்துள்ளது. சற்றொப்ப ஆறாயிரம் இசைத்தமிழ்க் கலைஞர்கள் குறித்த குறிப்புகள் ஒற்றை வரியில் வரலாறாக விரிந்துள்ளது. தேவைப்படுவோர் கூகுள் பே வழியாகத் தொகையைச் செலுத்தி, இருந்த இடத்திலிருந்து நூலைப் பெற்றுக்கொள்ளலாம்.

தொடர்புக்கு: 0091 9442029053 புலனம், தொடர்பு எண். 

மின்னஞ்சல்: muetamil@gmail.com 

மு. இளங்கோவனின் இசைத்தமிழ்க் கலைஞர்கள் நூல் வெளியீடு

 

படத்தில்: பேராசிரியர் உலகநாயகி பழனி, புதுவை வழக்கறிஞர் இராம முனுசாமி, தொழிலதிபர் வி.ஜி.சந்தோஷம், மயிலம் சிவஞான பாலய சுவாமிகள், முன்னாள் துணைவேந்தர் ம.இராசேந்திரன், நூலாசிரியர் முனைவர் மு.இளங்கோவன், பொறியாளர் சிங்கை இளங்கோ, வலைத்தமிழ் பார்த்தசாரதி, அறிஞர் பாலசுப்பிரமணியம்

புதுவைப் பேராசிரியர் முனைவர் மு. இளங்கோவன் எழுதிய இசைத்தமிழ்க் கலைஞர்கள் நோக்கீட்டு நூல் என்னும் நூலின் வெளியீட்டு விழா 11.03.2023 சனிக்கிழமை மாலை 5.30 மணிக்குச் சென்னையில் நடைபெற்றது. சென்னை, கிண்டி, கத்திபாரா சந்திப்புக்கு அருகில் உள்ள அண்ணாமலைப் பல்கலைக்கழக முன்னாள் மாணவர் மன்ற அரங்கில் (AUTEAA / AUAC), இந்த நிகழ்ச்சி நடைபெற்றது. 

தொழிலதிபர் முனைவர் வி. ஜி. சந்தோஷம் தலைமையில் நடைபெற்ற இந்த நிகழ்வில் தமிழ்ப் பல்கலைக்கழகத்தின் மேனாள் துணைவேந்தர் முனைவர் ம. இராசேந்திரன் இசைத்தமிழ்க் கலைஞர்கள் நூலினை வெளியிட்டு, சிறப்புரையாற்றினார். நூலின் முதல் படியைப் புதுச்சேரியைச் சேர்ந்த வழக்கறிஞர் ப. இராம முனுசாமி பெற்றுக்கொண்டார். மயிலம் பொம்மபுர ஆதீனத்தின் இருபதாம் பட்டம் தவத்திரு சிவஞான பாலய சுவாமிகள் எழுந்தருளி ஆசியுரை வழங்கினார். இந்த நிகழ்ச்சியில் இன்னிசையேந்தல் திருபுவனம் குரு. ஆத்மநாதன்,  பேராசிரியர் உலகநாயகி பழனி,  முனைவர் வா. மு. சே. ஆண்டவர்,  புதுவை அருங்காட்சியக இயக்குநர் அ. அறிவன்,  பொறியாளர் தமிழ் இயலன்,  வலைத்தமிழ் இணைய இதழாசிரியர் ச. பார்த்தசாரதி, பொம்மலாட்டக் கலைஞர் மு. கலைவாணன் உள்ளிட்டோர் பங்கேற்று வாழ்த்துரை வழங்கினர். பொறியாளர் சிங்கை இளங்கோ வரவேற்புரையாற்ற, நூலாசிரியர் முனைவர் மு.இளங்கோவன் ஏற்புரை வழங்கினார். தமிழகத்தின் பல்வேறு பகுதிகளிலிருந்தும், தமிழார்வலர்களும் தமிழறிஞர்களும் இசைத்தமிழ் ஆர்வலர்களும் திரளாகக் கலந்துகொண்டனர். 

இசைத்தமிழ்க் கலைஞர்கள் நூல் 304 பக்கம் கொண்டது. இந்த நூலின் விலை 350 இந்திய ரூபாய் ஆகும். ஒற்றை வரியில் இசைத்தமிழ்க் கலைஞர்களின் சிறப்புகளை இந்த நூல் அடையாளப்படுத்துகின்றது. இந்தியா, இலங்கை, சிங்கப்பூர், மலேசியா, கனடா, ஆஸ்திரேலியா, இங்கிலாந்து, நோர்வே, டென்மார்க்கு, பர்மா உள்ளிட்ட பல்வேறு நாடுகளில் உள்ள 5800 இசைத்தமிழ்க் கலைஞர்களின் பணிகளை இந்த நூலின் வழியாக அறிந்துகொள்ள முடியும். வாய்ப்பாட்டு அறிஞர்கள், கருவியிசை அறிஞர்கள், ஓதுவார்கள், இசையாய்வு அறிஞர்கள், இசைத்தமிழ்ப் புரவலர்கள் குறித்த விவரங்களும் இந்த நூலில் உள்ளன. இசைத்தமிழ்க் கலைஞர்கள் நோக்கீட்டு நூல் தேவைப்படுவோர் muetamil@gmail.com என்ற மின்னஞ்சலில் அல்லது + 9442029053 என்ற புலன எண்ணில் தொடர்புகொண்டு பெறலாம்.

 பேராசிரியர் உலகநாயகி அவர்கள் துணைவேந்தர் ம.இரா. அவர்களிடமிருந்து நூல் பெறுதல்

முனைவர் வி.ஜி. சந்தோஷம் அண்ணாச்சி தலைமையுரை

மேனாள் துணைவேந்தர் ம.இராசேந்திரன் அவர்கள் சிறப்புரை

தவத்திரு. மயிலம் சிவஞான பாலய சுவாமிகள் அருளாசியுரை

வழக்கறிஞர் இராம முனுசாமி அவர்களும், தவத்திரு சுவாமிகளும் உரையாடுதல்

முனைவர் மு. இளங்கோவனின் இசைத்தமிழ்க் கலைஞர்கள் நூல் வெளியீட்டு விழா அழைப்பிதழ்

 

அன்புடையீர், வணக்கம். சென்னையில் நடைபெறும் இசைத்தமிழ்க் கலைஞர்கள் நூல் வெளியீட்டு நிகழ்ச்சியின் அழைப்பினை இப்பதிவில் இணைத்துள்ளேன். வாய்ப்புடையோர் வருகைபுரிந்து நிகழ்ச்சியைச் சிறப்பிக்குமாறு அன்புடன் அழைக்கின்றேன்.

நாள்: 11.03.2023 காரி(சனி)க் கிழமை நேரம்: மாலை 5.30 மணி முதல் 7 மணி வரை

இடம்: அண்ணாமலைப் பல்கலைக்கழக முன்னாள் மாணவர் மன்ற அரங்கு

(AUTEAA / AUAC), தூய தாமசு மலை, சென்னை

( No 07, PCM Colony Street, St. Thomas Mount, Chennai -600 016 ) 

தலைமை: முனைவர் வி.ஜி. சந்தோஷம்

தலைவர், வி.ஜி.பி. உலகத் தமிழ்ச் சங்கம்

நூல் வெளியீடு, சிறப்புரை:

முனைவர் ம. இராசேந்திரன், 

மேனாள் துணைவேந்தர், தமிழ்ப் பல்கலைக்கழகம்

முதல்படி பெறுதல்: வழக்கறிஞர் ப. இராம முனுசாமி, புதுச்சேரி

அருளாசியுரை:

தவத்திரு சிவஞான பாலய சுவாமிகள்

இருபதாம் பட்டம், மயிலம் பொம்மபுர ஆதீனம் 

வரவேற்புரை: பொறியாளர் சிங்கை இளங்கோ

பங்கேற்போர்:

இன்னிசையேந்தல் திருபுவனம் குரு. ஆத்மநாதன் / முனைவர் இ. கே. தி. சிவகுமார் / பேராசிரியர் உலகநாயகி பழநி / முனைவர் வ. மு. சே. ஆண்டவர் /  அ.அறிவன் / பொறியாளர் தமிழ் இயலன் / / வலைத்தமிழ் ச. பார்த்தசாரதி / மு. கலைவாணன் 

ஏற்புரை: முனைவர் மு. இளங்கோவன் 

அனைவரும் வருக! 

அழைப்பின் மகிழ்வில்

வயல்வெளிப் பதிப்பகம்,

வலைத்தமிழ் இசைக்கல்விக் கழகம் 

தொடர்புக்கு: 9442029053 

முனைவர் மு. இளங்கோவனின் இசைத்தமிழ்க் கலைஞர்கள் நூல் வெளியீட்டு விழா!

 

அன்பார்ந்த தமிழ் உறவினர்களே! இசையார்வலர்களே! வணக்கம்.

  கடந்த ஈராயிரம் ஆண்டுகளாகத் தமிழை நடுவணாகக் கொண்டு இயங்கிய இசைத்தமிழ்க் கலைஞர்களைப் பற்றி அறியும் ஆர்வத்தில் தேடியபொழுது சற்றொப்ப 5764 பேர் குறித்த பட்டியல் ஒன்றை உருவாக்க முடிந்தது. என்னொருவனிடம் இப்பட்டியல் இருப்பதைவிட, உலகத் தமிழர்களின் கையினுக்குக் கிடைத்தால் பட்டியலில் விடுபட்ட இசைத்தமிழ்க் கலைஞர்களின் பெயரும் இப்பட்டியலில் இணையும் என்பதால் இசைத்தமிழ்க் கலைஞர்கள் – நோக்கீட்டு நூல் என்னும் பெயரில் வெளியிட உள்ளோம். கடந்த ஈராண்டுகளாக இந்த நூலினை உருவாக்கும் பணியில் ஈடுபட்டிருந்தேன். 304 பக்கம் கொண்ட இந்த நூலின் விலை 350 உருவா ஆகும். ஒற்றை வரியில் இசைத்தமிழ்க் கலைஞர்களின் சிறப்புகளை இந்த நூல் அடையாளப்படுத்துகின்றது. இந்தியா, இலங்கை, சிங்கப்பூர், மலேசியா, கனடா, ஆஸ்திரேலியா, இங்கிலாந்து, நோர்வே உள்ளிட்ட பல்வேறு நாடுகளில் உள்ள இசைதமிழ்க் கலைஞர்களின் பணிகளை இந்த நூலின் வழியாக அறிய இயலும். வாய்ப்பாட்டு அறிஞர்கள், கருவியிசை அறிஞர்கள், ஓதுவார்கள், இசையாய்வு அறிஞர்கள், இசைத்தமிழ்ப் புரவலர்கள் குறித்த விவரங்களும் இந்த நூலில் உள்ளன.

  இசைத்தமிழ்க் கலைஞர்கள் – நோக்கீட்டு நூல் வரும் மார்ச்சுத் திங்கள் 11 ஆம் நாள் காரி(சனி)க் கிழமை மாலை, சென்னை, கிண்டி அருகே(கத்திபாரா அருகில்) உள்ள அண்ணாமலைப் பல்கலைக்கழக முன்னாள் மாணவர் மன்ற அரங்கில் (AUTEAA / AUAC), (No 07, PCM Colony Street, St. Thomas Mount, Chennai -600 016 ) வெளியீடு காண உள்ளது.

 முனைவர் வி. ஜி. சந்தோஷம் அவர்களின் தலைமையில் நடைபெறும் நிகழ்வில் தமிழ்ப் பல்கலைக்கழகத்தின் மேனாள் துணைவேந்தர் முனைவர் ம. இராசேந்திரன் அவர்கள் நூலினை வெளியிட்டு, சிறப்புரையாற்ற உள்ளார்கள். அதுபொழுது மயிலம் பொம்மபுர ஆதீனத்தின் இருபதாம் பட்டம் தவத்திரு சிவஞான பாலய சுவாமிகள் எழுந்தருளி ஆசியுரை வழங்க உள்ளார்கள். தமிழறிஞர்களும் இசையறிஞர்களும் வாழ்த்துரை வழங்க உள்ளனர். வாய்ப்புடையோர் நிகழ்வில் கலந்துகொண்டு சிறப்பிக்க அன்புடன் அழைக்கின்றேன்.

 இசைத்தமிழ்க் கலைஞர்கள் நோக்கீட்டு நூல் தேவைப்படுவோர் muetamil@gmail.com என்ற மின்னஞ்சலில் அல்லது + 9442029053 என்ற புலன எண்ணில் தொடர்புகொண்டு பெறலாம்.