[முனைவர் இலக்குமி மீனாட்சிசுந்தரம் அவர்கள் சிங்கப்பூரில் வாழ்ந்து வருபவர். முனைவர் எம். எஸ். ஸ்ரீ லக்ஷ்மி என்னும் பெயரில் அறியப்படுபவர். காரைக்குடியை அடுத்த பள்ளத்தூரில் பிறந்தவர். “மிதிலைப்பட்டிக் கவிராயர்கள் வாழ்வும் வாக்கும்” என்னும் தலைப்பில் ஆய்வுசெய்து முனைவர் பட்டம் பெற்றவர். காரைக்குடி இராமசாமி தமிழ்க்கல்லூரியில் தமிழ்ப் பணியைத் தொடங்கிய இவர், மலேயா பல்கலைக்கழகம், சிங்கப்பூர் நன்யாங் பல்கலைக்கழகம், சிங்கப்பூர் சமூக அறிவியல் பல்கலைக்கழகம் முதலிய உயர்கல்வி நிறுவனங்களில் பணியாற்றிய சிறப்பிற்குரியவர். பல்வேறு ஆய்வரங்குகளில் கலந்துகொண்டு ஆய்வுக்கட்டுரை வழங்கிவருபவர். மலாய், ஆங்கிலம், வடமொழி அறிந்தவர். தமிழ்ப் பாடத்திட்டங்கள் உருவாக்குவதில் ஆர்வமுடன் செயல்பட்டுவருபவர். மொழிபெயர்ப்பாளர்]
சிங்கப்பூரில் வாழ்ந்துவரும் முனைவர் இலக்குமி அவர்களைப் பன்னாட்டுக் கருத்தரங்குகளில் பலமுறை கண்டு உரையாடும் வாய்ப்பினைப் பெற்றுள்ளேன். அவ்வகையில் அமெரிக்கா, மலேசியா, சிங்கப்பூர், தமிழகத்தில் நடைபெற்ற பன்னாட்டுக் கருத்தரங்குகளில் சந்தித்த நினைவுகள் நெஞ்சில் நிழலாடுகின்றன. சமகால இலக்கியப் போக்குகள் குறித்து அவ்வப்பொழுது இணையத்தின் வழி உரையாடுவதும் உண்டு. சில திங்களுக்கு முன்னர்ச் சிங்கப்பூர் சென்றிருந்தபொழுது செம்மொழி ஆசிரியர் எம். இலியாஸ் அவர்களின் கடையிலும், நண்பர் மறைமலையான் அவர்கள் ஏற்பாடு செய்திருந்த தேநீர் விருந்திலும் கலந்துகொண்டு முனைவர் இலக்குமி அவர்களுடன் உரையாடும் வாய்ப்பினைப் பெற்றிருந்தேன்.
முனைவர் இலக்குமி அவர்களுடன் உரையாடியபொழுது அவர்களின் பரந்துபட்ட கல்விப்பணிகளும் ஆய்வுப்பணிகளும் என் கவனத்தில் நிலைபெற்றன. தமிழகத்திலும், மலேசியாவிலும், சிங்கப்பூரிலும் கல்விப்புலங்களில் பணியாற்றிய பட்டறிவுகொண்ட இவர்தம் பணிகளைத் தமிழுலகுக்கு நினைவூட்டுவதை என் கடமையாகக் கருதினேன். தன் உள்ளத்தில் பட்டதை நேருக்கு நேர் எடுத்துரைக்கும் இயல்புடைய இவரிடம் உரையாடிப் பெற்ற செய்திகளைத் தமிழுலகின் பார்வைக்கு வைப்பதில் மகிழ்கின்றேன்.
முனைவர் இலக்குமியின் இளமை வாழ்க்கை:
முனைவர் இலக்குமி அவர்கள் காரைக்குடியை அடுத்துள்ள பள்ளத்தூரில் வாழ்ந்த அ. சொ. சொ. சொ. சோலையப்ப செட்டியார், தர்மாம்பாள் ஆச்சி ஆகியோரின் அன்பு மகளாக 15.09.1953 இல் பிறந்தவர். இலக்குமி அவர்கள் பள்ளத்தூர் சீதை ஆச்சி தொடக்கப்பள்ளியிலும், உயர்நிலைக் கல்வியைக் கோட்டையூர் சிதம்பரம் செட்டியார் பெண்கள் உயர்நிலைப்பள்ளியிலும், புகுமுக வகுப்பினைச் சீதாலெட்சுமி ஆச்சி மகளிர் கல்லூரியிலும் பயின்றவர். பள்ளத்தூர் சீதாலட்சுமி ஆச்சி மகளிர் கல்லூரியில் இளம் அறிவியல் (வேதியியல்) பயின்று, பட்டம் பெற்றவர்(1972-1975). 1975 முதல் 1977 வரை காரைக்குடி அழகப்பா கல்லூரியில் முதுகலைத் தமிழ் இலக்கியம் பயின்றவர். இவர் தமிழ் பயின்ற காலத்தில் பேரா. இரா. சாரங்கபாணி, கோ. சிவகுருநாதன், பூ. அமிர்தலிங்கனார் (அமரர். அறிவுநம்பியின் தந்தை,) முனைவர் அ. விசுவநாதன், முனைவர் தே. சொக்கலிங்கம் முதலானவர்கள் பேராசிரியர்களாகப் பணியாற்றினர்.
இலட்சுமி அவர்கள் சென்னைப் பச்சையப்பன் கல்லூரியில்
இளம் முனைவர் பட்ட ஆய்வினைக் “கலைமணி கொத்தமங்கலம் சுப்புவின் புதினங்களில் கலைப்பின்புலம்”
என்னும் தலைப்பில் ஆய்வுசெய்து நிறைவுசெய்தவர்(1978-1979). முனைவர் பட்ட ஆய்வினைக்
காரைக்குடி அழகப்பா தமிழ் உயர் ஆராய்ச்சி மையத்தில் நிகழ்த்திப் பட்டம் பெற்றவர் (1981-1983).
இவர்தம் முனைவர் பட்ட ஆய்வுத்தலைப்பு: மிதிலைப்பட்டிக் கவிராயர்கள் வாழ்வும் வாக்கும்
என்பதாகும். இலட்சுமி அவர்களின் முனைவர் பட்ட ஆய்வு நெறியானர் பேராசிரியர் அ. விசுவநாதன்
ஆவார்.
முனைவர் இலக்குமி அவர்களின் பேராசிரியர் பணி:
முனைவர் இலக்குமி காரைக்குடி இராமசாமி தமிழ்க்கல்லூரியில் உதவிப் பேராசிரியர் பணியில் சிலகாலம் பணியாற்றிய பிறகு மலேயா பல்கலைக்கழகத்தின் இந்தியவியல் துறையில் 1986 முதல் 1991 வரை விரிவுரையாளராகப் பணியாற்றியவர். இங்குப் பணியாற்றியபொழுது தமிழை முக்கியப் பாடமாகவும் சிறப்புப் பாடமாகவும் தேர்ந்தெடுத்து “ஹானர்ஸ்” என்னும் சிறப்புப் பட்டத்துக்குப் பயின்ற மாணவர்களுக்கு இக்கால இலக்கியம் , இடைக்கால இலக்கியம், சங்க இலக்கியம் முதலியவற்றைக் கற்பித்தவர்.
முனைவர் இலக்குமி அவர்கள் பணியாற்றிய காலத்தில் தமிழ் நாடகம் விருப்பப் பாடமாக இத்துறையில் அறிமுகப்படுத்தப்பட்டது. தமிழ் மட்டுமல்லாது வரலாறு, சமூகவியல் போன்ற பிறதுறை பயின்ற மாணவர்களிடம் இப்பாடம் பெரும் வரவேற்பைப் பெறும் வகையில் இப்பாடத்தை இவர் வடிவமைத்தவர். மதிப்பெண்களைக் குறிவைத்த பாடமாக அமையாமல் மலேசிய நாட்டின் தமிழ் நாடகத்துறைக்கு வளம் சேர்க்கும் முயற்சியாக மாணவர்களே நாடகத்தைப் படைக்கும் வண்ணமாக அப்பாடத்தை வடிவமைத்தமை தனிச்சிறப்பாகும். மாணவர்கள் இப்பாடத்தைப் பயின்ற பிறகு நாடகம் எழுத, நடிக்க, தயாரிக்க எனப் பல திறன்களைப் பெற்றனர். கலைத்துறையில் பணி வாய்ப்புகளையும் பெற்றனர்.
இளங்கலை ஆய்வேடுகள்:
மேற்கூறப்பட்ட நாடகப் பாடம் அறிமுகப்படுத்தப்பட்ட வேளையில் மலேசியத் தமிழ் நாடகத்துறை வளர்ச்சிக்குப் பங்காற்றியோர்களின் பணியினை நூறு பக்க அளவில் ஆய்வேடுகளாக மாணவர்களை எழுதவைத்து ஆவணப்படுத்தியதால் மலேசிய நாட்டின் தமிழ் நாடகத்துறையின் பல பகுதிகள் ஆவணப்படுத்தப்பட்டன. இவ்வகையில் உருவான இடுநூல்கள் மலேயா பல்கலைக்கழகத்தின் நூலகத்தில் பாதுகாக்கப்படுகின்றன.
இந்திய ஆய்வியல் துறையில் இலக்குமி அவர்கள் பணியாற்றியபொழுது, முனைவர் பட்ட ஆய்வேடுகள் – இரண்டும், முதுகலைப்பட்ட ஆய்வேடுகள் நான்கும், இளங்கலை ஆய்வேடுகள் – முப்பதும் உருவாகத் துணைநின்றவர்.
மதிப்புறு பணிகள் :
மலாயாப் பல்கலைக்கழகத்தில் பணியாற்றியபோது கல்வி அமைச்சின் S.P.M. & S.T.P.M. தமிழ்மொழி இலக்கியத் தேர்வுத்தாள்கள் தயாரித்த நான்கு ஆண்டுப் பட்டறிவு இவருக்கு உண்டு.
சிங்கப்பூர்த் தமிழாசிரியர் சங்கம் மலேசிய வாண்டோ அகாதெமி மூலம் மதுரை காமராசர் பல்கலைக்கழக இளங்கலைத் தமிழ்ப் பட்டப்படிப்புப் படித்த நாற்பது தமிழாசிரியர்களுக்கு மூன்று நாள் முழுவதுமாகத் தமிழ் இலக்கிய வகுப்புகளை நடத்தியவர்.
இந்திய ஆய்வியல் துறை நடத்திய கவிதைக் கருத்தரங்கு (1988), பாரதிதாசன் நூற்றாண்டுவிழாக் கருத்தரங்கு ஆகியவற்றின் மலர்க்குழுப் பதிப்பாசிரியராக முழுமூச்சில் இயங்கி அனைத்துப் பொறுப்புகளையும் நிறைவேற்றியவர். இச்சிறப்பு மலர்கள் துறை வெளியீடுகளாக அன்றைய நாளில் வெளிவந்தன.
ஆறாவது உலகத் தமிழ் ஆராய்ச்சி மாநாட்டில் மலர்க்குழு உறுப்பினர், பதிப்பாசிரியர் குழு உறுப்பினர், கருத்தரங்கில் இரு அமர்வுகளுக்குத் தலைவர் ஆகிய பொறுப்புகளையும் ஏற்றுப் பணிபுரிந்தவர்.
மலேசிய இந்து சங்கம், இந்து தர்ம மாமன்றம் , அருள்நெறித் திருக்கூட்டம், திருமுறை மாநாடுகள், மலேசிய நாடெங்கிலும் உள்ள ஆலயங்கள் ஆகியவற்றின் ஏற்பாட்டில் நடைபெற்ற கருத்தரங்குகள், சமயச்சொற்பொழிவுகள், சிறப்புச்சொற்பொழிவுகள் முதலியவற்றின் மூலம் சமயத்தொண்டு ஆற்றியவர்.
தமிழகப் பல்கலைக்கழகங்களுக்கு அளிக்கப்பட்ட முனைவர் பட்ட ஆய்வேடுகள் நூற்றுக்கும் மேற்பட்டவற்றை வெளிநாட்டு மதிப்பீட்டாளர் / புறநிலைத் தேர்வாளர் என்னும் முறையில் மதிப்பிட்ட சிறப்பும் இவருக்கு உண்டு.
சிங்கப்பூர் நன்யாங் பல்கலைக்கழகத்தில் முனைவர் இலக்குமி அவர்களின் பணிகள் சிறப்பிற்குரியனவாக அமைந்தன. தமிழாசிரியர் பயிற்சிக்கான பட்டயப்படிப்பு மாணவர்களுக்கும் முதுநிலைப் பட்டயப்படிப்புப் படித்த உயர்நிலைப்பள்ளி ஆசிரிய மாணவர்களுக்கும் தமிழ் இலக்கியம், பண்பாடு, அற இலக்கியம், கருத்துப் பரிமாற்றத் திறன்கள் - எழுதுதல், பேசுதல் ஆகிய பாடங்களைக் கற்பித்தவர்.
தொடக்கப்பள்ளி மாணவர்களுக்கான அறநெறிக் கல்விப் பாடத்திட்டத்தில் நற்குடிமக்கள் என்னும் புத்தகத்திற்குக் கவிதைகள் எழுதியவர்.
பகுதிநேர விரிவுரையாளர்: சமூக அறிவியல் பல்கலைக்கழகம், சிங்கப்பூர் . 2010 -2019.
இளங்கலைத் தமிழ் பட்டப்படிப்பு மாணவர்களுக்கு மொழியியல் தவிர அனைத்து இலக்கண இலக்கியப் பாடங்களையும் கற்பிக்கும் வாய்ப்பினைப் பெற்றவர். பழைய பாடத்திட்டப்படி தமிழ்மொழி அறிமுகம், தமிழ் இலக்கியம் அறிமுகம் என்னும் தமிழ் இலக்கிய வரலாறு, நாட்டுப்புற இலக்கியம், சங்க இலக்கியம், பக்தி இலக்கியம், சிற்றிலக்கியம், நீதி இலக்கியம், இக்கால இலக்கியம் என்னும் பாடங்களையும், எழுத்து, சொல், யாப்பு என்னும் இலக்கணப் பாடங்களையும் பயிற்றுவித்தவர்.
புதிய பாடத்திட்டத்தின்படி இக்காலக் கவிதை இலக்கியம், உரைநடை இலக்கியம், தமிழில் திறனாய்வு இலக்கியம், பக்தி இலக்கியம், சிற்றிலக்கியம் முதலிய பாடங்களைப் பயிற்றுவித்தவர்.
புதிய பாடத்திட்டத்தை உருவாக்கியபொழுது மலேசிய, சிங்கை இலக்கியப் பாடங்கள் பன்னிரண்டு பகுதிகளை எழுதியவர். அவை சிங்கப்பூர்க் கவிதை, மலேசியக்கவிதை, சிங்கப்பூர் உரைநடை, மலேசிய உரைநடை, சிங்கை பக்தி இலக்கியம், மலேசிய பக்தி இலக்கியம், சிங்கைச் சிற்றிலக்கியங்கள், மலேசியச் சிற்றிலக்கியங்கள், சிங்கைக் காப்பியங்கள், மலேசியக் காப்பியங்கள், சிங்கைத் தமிழ் இலக்கிய வரலாறு, மலேசியத் தமிழ் இலக்கிய வரலாறு என்பன ஆகும்.
பள்ளி ஆசிரியர் பணி அனுபவம் : ( பகுதி நேரம்)
சிங்கப்பூரில் வாழ்ந்துவரும் முனைவர் இலக்குமி அவர்கள் சிங்கப்பூரில் உள்ள பல்வேறு பள்ளிகளில் பகுதிநேரமாக ஆசிரியராகப் பணியாற்றித் தமிழைப் பயிற்றுவிப்பதை ஆர்வமுடன் செய்துவருபவர். அவ்வகையில் கீழ்வரும் பள்ளிகளில் இவராற்றிய தமிழ்த்தொண்டு குறிப்பிடத்தகுந்ததாகும்.
1.
சிங்கப்பூர்ச்
சீனப் பெண்கள் பள்ளி - உயர்தமிழ்
ஆசிரியர் 2009-2014.
2.
சீன
உயர்நிலைப்பள்ளி (ஆண்கள்) - உயர்தமிழ் ஆசிரியர் 1998-2001.
3.
ஷு
குன் உயர்நிலைப்பள்ளி – தமிழ் ஆசிரியர்- 1996.
4.
நார்த்
வியூ உயர்நிலைப்பள்ளி - தமிழ் ஆசிரியர் -1996.
5.
கோ
சுவான் தொடக்கப்பள்ளி - தமிழ் ஆசிரியர் -1996.
6.
ஆங்கிலோ
சீன உயர்நிலைப்பள்ளி- உயர்தமிழ் ஆசிரியர் - 1995.
7.
கிம்
மோ உயர்நிலைப்பள்ளி- தமிழ் ஆசிரியர்-1995.
8. உமறுப்புலவர் தமிழ்மொழி நிலையம் – 1994.
துணைப்பாட வகுப்புகள் நடத்திய பட்டறிவு:
1994 முதல் 2023 வரை முழுநேரப் பணியாகவும், பகுதிநேரப் பணியாகவும் துணைப்பாட வகுப்புகள் நடத்தியவர். தொடக்கப்பள்ளி, உயர்நிலைப் பள்ளி, தொடக்கக் கல்லூரி, உயர்கல்வி (பல்கலைக்கழகக் கல்வி) என அனைத்துத் தரப்பினருக்கும் தமிழ் கற்பித்தவர்.
தாய்மொழியாகத் தமிழைக் கொள்ளாத - பிறமொழி பேசும் இந்திய வம்சாவளி மாணவர்களும், சீனர்களும் தமிழ்மொழியில் பேசுவதற்காக இவரிடம் பாடம் கேட்டுள்ளனர்.
எழுத்துத்துறை பட்டறிவு :
மலேசிய நாளிதழ், மாத இதழ் ஆகியவற்றில் இவர் எழுதிய கட்டுரைகள் -110 ஆகும். மலேசியா, சிங்கப்பூர், தமிழகம்,இலங்கை ஆகிய நாடுகளின் தமிழ் இலக்கியம் குறித்த ஆய்வு நூல்கள் முப்பதை வழங்கியுள்ளார். மாணவர்க்குரிய நூல்கள் ஆறினை இவர் எழுதியுள்ளார். சிறுவர்க்குரிய கவிதை நூல்கள் இரண்டினை எழுதியுள்ளார்.. பதிப்பாசிரியர் & தொகுப்பாசிரியர் என்ற வகையில் பன்னிரண்டு நூல்களை வெளியிட்டுள்ளார். இதுவரை இவர் எழுதிய ஆய்வுக்கட்டுரைகள் இருநூற்றுப் பதினைந்து ஆகும்.
உலகத் தமிழ் ஆராய்ச்சி மாநாட்டுக் கருத்தரங்குகள், செம்மொழி மாநாட்டுக் கருத்தரங்குகளில் கலந்துகொண்டு ஆய்வுக்கட்டுரைகள் வழங்கியுள்ளார். சாகித்திய அகாதெமியின் உலகத் தமிழ் இலக்கிய வரலாறு தொகை நூலுக்கு இவரால் எழுதப்பட்ட நான்கு கட்டுரைகள் சிறப்பிற்குரியனவாகும். சிங்கப்பூர் தேசியக் கலைகள் மையம், சிங்கப்பூர் தேசியப் புத்தக மன்றம், சிங்கப்பூரின் தேசிய நூலகம் ஆகியவற்றுக்காக எழுதப்பட்ட ஆய்வுக்கட்டுரைகள், மலேசியாவில் நடத்தப்பட்ட ஆய்வரங்குகளுக்கு அளிக்கப்பட்டவை, ஈழத்தில் நடத்தப்பட்ட கருத்தரங்குகளில் படிக்கப்பட்டவை, தமிழகப் பல்கலைக்கழகங்களும் கல்லூரிகளும் ஏற்பாடு செய்த கருத்தரங்குகளில் படிக்கப்பட்ட கட்டுரைகள் என இவரின் எழுத்துப்பணியும் ஆய்வுப்பணியும் விரிந்த களத்தினையுடையனவாகும்.
மொழிபெயர்ப்புப் பணிகள்:
தேசிய நூலகத்தின் வாசிப்பு மாதத்திற்கு (2013) என மலாய் மொழிச் சிறுகதைகள் இரண்டினை முனைவர் இலக்குமி மொழிபெயர்த்துள்ளார். குழந்தைகளின் பாதுகாப்பு குறித்த பாடநூல் (ஆத்திரேலியா) ஆங்கிலத்திலிருந்து இவரால் தமிழுக்கு மொழிபெயர்க்கப்பட்டுள்ளது (2௦20).
பிற பணிகள்:
2019 ஆம் ஆண்டு சிகாகோவில் நடைபெற்ற பத்தாவது உலகத் தமிழ் ஆராய்ச்சி மாநாட்டில் தென்கிழக்கு ஆசியாவிலிருந்து அளிக்கப்பட்ட ஆய்வுக் கட்டுரைகளைத் தேர்வு செய்யும் பொறுப்பு இவரிடம் ஒப்படைக்கப்பட்டது. அமெரிக்காவின் கலிபோர்னியா தமிழ் அகாதெமிக்காக நான்காம் வகுப்புப் பாடப்புத்தகத்தையும் இவர் எழுதியவர்.
சிங்கப்பூர் கல்வி அமைச்சு – மீத்திறன் மாணவர்களுக்கான பயிற்சித் திட்டம் –படைப்பாக்கத்திறன் பயிலரங்கு – 2008 முதல் 2௦22 வரை நடத்தியபொழுது மாணவர்களுக்குச் சிறுகதை, கவிதை எழுதுவதில் பயிற்சி அளித்தவர். வழிகாட்டியாகவும் பதிப்பாசிரியராகவும் செயல்பட்டு மாணவர்களின் படைப்புகளைப் பதிப்பிக்கும் பணியில் ஈடுபட்டவர்.
“நமது செட்டிநாடு” என்னும் சமூக இதழ் (இந்தியா)- பதிப்பாசிரியர் குழுவில் இடம்பெற்றுள்ளவர்.
தேசியப் புத்தக வளர்ச்சி மன்றம் நடத்திய போட்டிகளிலும் நடுவராகப் பணிபுரிந்தவர்.
தமிழகம் தவிரப் புலம்பெயர் நாடுகளில் தமிழர்களின் வாழ்வியலை எதிரொலிக்கும் சிறுகதைகளைத் தொகுத்துத் ‘திரைகடல் தந்த திரவியம்‘ என்னும் தலைப்பில் தொகை நூலாக எழிலினி பதிப்பகம் வழியாக 2௦22 ஆம் ஆண்டு வெளியிட்டவர். எழுத்தாலும் பேச்சாலும் தொடர்ந்து தமிழ்ப்பணியில் ஈடுபட்டுவரும் முனைவர் இலக்குமி அவர்கள் பல்லாண்டு நிறைவாழ்வு வாழ்ந்து நீடுபுகழ் பெறுக.
முனைவர் இலக்குமி அவர்களின் தமிழ்க்கொடைகள்
1. சோ. இலக்குமி, “கலைமணி
கொத்தமங்கலம் சுப்புவின் புதினங்களில் கலைப்பின்புலம்”, தேமா பதிப்பகம், சென்னை, ஜூன் 1991. (134 பக்கங்கள்).
2. இலக்குமி மீனாட்சிசுந்தரம், “இலக்கிய
அரும்புகள்”, ஜெயபக்தி பதிப்பகம், கோலாலும்பூர், மலேசியா, ஒக்டோபர் 1991 (319 பக்கங்கள்).
3. இலக்குமி மீனாட்சிசுந்தரம், “இலக்கியப்பாலம்
– பங்கும் பணியும்”, தேமா
பதிப்பகம், சென்னை, மார்ச் 1993
(164 பக்கங்கள்).
4. இலக்குமி மீனாட்சிசுந்தரம், சாதாரணநிலை & புகுமுகவகுப்புக் கட்டுரைகள், மாணவர்க்கு உரியவை, ஜி ஜி எஸ் பதிப்பகம், சிங்கப்பூர், மார்ச் 1991, 1994, 1997 ( நான்கு பதிப்புகள்) (238 பக்கங்கள்).
5. எம்.எஸ்.ஸ்ரீ லக்ஷ்மி, “சிந்தனைத்துளிகள்” சாதாரணநிலை & புகுமுகவகுப்புக் கட்டுரைகள், மாணவர்க்குரியவை, சுய வெளியீடு, சிங்கப்பூர், மார்ச் 2000 (192 பக்கங்கள்).
6. எம்.எஸ்.ஸ்ரீ லக்ஷ்மி, “கற்கத்தூண்டும்
கட்டுரைகள்” சாதாரணநிலை & புகுமுகவகுப்புக் கட்டுரைகள், மாணவர்க்குரியவை, சுய வெளியீடு, சிங்கப்பூர், மார்ச் 2004 (199 பக்கங்கள் ).
7. எம்.எஸ்.ஸ்ரீ லக்ஷ்மி, “எளிய இனிய
தமிழ்க் கட்டுரைகள்” சாதாரணநிலை & புகுமுகவகுப்புக் கட்டுரைகள், மாணவர்க்குரியவை, சுய வெளியீடு, சிங்கப்பூர், மார்ச் 2010 (144 பக்கங்கள் ).
8. எம்.எஸ்.ஸ்ரீ லக்ஷ்மி “ஏற்றம் தரும் தமிழ்க்கட்டுரைகள்”, உயர்நிலை 1, 2 மாணவர்களுக்குரிய கட்டுரைநூல், சுய
வெளியீடு, சிங்கப்பூர், மார்ச்
2018 (128 பக்கங்கள் ).
9. எம்.எஸ்.ஸ்ரீ
லக்ஷ்மி, “சிங்கப்பூர்த்தமிழ் இலக்கியம் –
ஆழமும் அகலமும்” மருதா பதிப்பகம், சென்னை, ஆகஸ்ட் 2005 (265 பக்கங்கள் ).
10.
எம்.எஸ்.ஸ்ரீ
லக்ஷ்மி , புதுமைப்பித்தன்
இலக்கியச்சர்ச்சை 1951-1952, தருமுபதிப்பகம்,
(சுயபதிப்பகம்), சிங்கப்பூர், டிசம்பர் 2006 (188 பக்கங்கள் ).
11.
எம்.எஸ்.ஸ்ரீ
லக்ஷ்மி , “மிதிலைப்பட்டிக் கவிராயர்கள்-வாழ்வும் வாக்கும்” தருமு பப்ளிகேஷன்ஸ், சிங்கப்பூர், 2009
(468 பக்கங்கள் ).
12.
எம்.எஸ்.ஸ்ரீ
லக்ஷ்மி, பெண்ணிய நோக்கில்
கம்பன், உமா பதிப்பகம், சென்னை,
மார்ச்சு 2014 (168 பக்கங்கள்
).
13.
எம்.எஸ்.ஸ்ரீ
லக்ஷ்மி, ஐம்பெருங்காப்பியங்களில் தமிழர் வாழ்வியல், சுயவெளியீடு, சென்னை,
ஆகஸ்ட் 2016 (159 பக்கங்கள்).
14.
எம்.எஸ்.ஸ்ரீ
லக்ஷ்மி, சைவப்பெரியார் கா
இராமநாதன் -மலேசியத் தமிழ்
இலக்கியத்திற்குப் பங்களிப்பு, கலைஞன் பதிப்பகம் & மலாயாப் பல்கலைக் கழகத்தின் இந்திய ஆய்வியல் துறை, செப்டெம்பர் 2016 (64 பக்கங்கள் ).
15.
எம்.எஸ்.ஸ்ரீ
லக்ஷ்மி, அண்ணல்
ரெ.இராமசாமி – மலேசியத் தமிழ் இலக்கியத்திற்குப்
பங்களிப்பு, கலைஞன் பதிப்பகம் & மலாயாப்பல் கலைக் கழகத்தின் இந்திய ஆய்வியல் துறை, செப்டெம்பர் 2016 (72 பக்கங்கள் ).
16.
எம்.எஸ்.ஸ்ரீ
லக்ஷ்மி, மலேசியத் தமிழ் நாடகத் தந்தை ஆழி அருள்தாசன், கலைஞன் பதிப்பகம் & மலாயாப்பல்கலைக்
கழகத்தின் இந்திய ஆய்வியல் துறை, செப்டெம்பர் 2016 (88
பக்கங்கள்).
17.
எம்.எஸ்.ஸ்ரீ
லக்ஷ்மி, முத்தமிழ் வித்தகர் முருகு சுப்பிரமணியன் – மலேசியத் தமிழ்
இலக்கியத்திற்குப் பங்களிப்பு,
கலைஞன்
பதிப்பகம் & மலாயாப்பல்கலைக் கழகத்தின் இந்திய ஆய்வியல் துறை, செப்டெம்பர் 2016 (120 பக்கங்கள்).
18.
எம்.எஸ்.ஸ்ரீ
லக்ஷ்மி, பிள்ளைத்தமிழ்க் கவிஞர் சி.அன்பானந்தம், கலைஞன் பதிப்பகம் & மலாயாப்
பல்கலைக்கழகத்தின் இந்திய ஆய்வியல் துறை, செப்டெம்பர் 2016 (128 பக்கங்கள்).
19.
எம்.எஸ்.ஸ்ரீ
லக்ஷ்மி (தொகுப்பாசிரியர்), “நேற்றிருந்தோம்”
சிங்கப்பூரின் மூத்த குடிமக்களுடைய பழைய நினைவுகளின் உரைத்தொகுப்பு, அங் மோ கியோ வாசகர் வட்டக்
கூட்டத்தில் மூத்த குடிமக்களும் எழுத்தாளர்களுமான பத்துப்பேர் ஆற்றிய உரை.
சிம் (தற்போது சிங்கப்பூர்
சமூக அறிவியல் பல்கலைக்கழகத்தின் பாட
வரைவு ஒப்பந்தத்தின்படி கீழ்க்காணும் 12 பாடங்கள் இவரால்
எழுதிமுடித்துக் கொடுக்கப்பட்டன. மின்னியல்
நூல்களான அவை வருமாறு:
20& 21.
TLL 103 – சிங்கப்பூர்,
மலேசியத் தமிழ் இலக்கிய வரலாறு.
22 &
23. TLL 104 - இக்காலத்தமிழ்உரைநடை– சிங்கப்பூர்,
மலேசியப் படைப்புகள்.
24 &25. TLL
105 - இக்காலத் தமிழ்க்கவிதை – சிங்கப்பூர்,
மலேசியக் கவிதைகள்.
26 &
27. TLL 201 - காப்பிய
இலக்கியம் – சிங்கப்பூர் – மலேசியப்
படைப்புகள்.
28 &
29. TLL 205 - பக்தி
இலக்கியம் – சிங்கப்பூர்,
மலேசியப் படைப்புகள்.
30 &
31. TLL 206 சிற்றிலக்கியம்
–
சிங்கப்பூர், மலேசியப்
படைப்புகள்.
32. எம்.எஸ்.ஸ்ரீலக்ஷ்மி, அரும்புகளின் பாடல்கள், ஸ்ரீ லக்ஷ்மிவெளியீடு, இரண்டாம் அனைத்துலக சிறுவர் இலக்கிய மாநாடு, காந்திகிராம நிகர்நிலைப்பல்கலைக்கழகம் & வள்ளியப்பா
இலக்கிய வட்டம், திண்டுக்கல் , மே 17,18,&19,2019. ; 04.08.19 அன்று சிங்கப்பூரில் வெளியீடு.
33. எம்.எஸ்.ஸ்ரீலக்ஷ்மி, சிங்கப்பூர்த்
தமிழிலக்கியம்- கருத்தரங்கக் கட்டுரைகள், சொந்த வெளியீடு ,ஆகஸ்ட் 2019.
(சொந்தவெளியீடு).
34. எம்.எஸ்.ஸ்ரீ லக்ஷ்மி,
பன்னாட்டுத் தமிழ்ச்சிறுகதைகள் , எழிலினி பதிப்பக வெளியீடு, சென்னை, 2022, முதல்பதிப்பு .
35. எம்.எஸ்.ஸ்ரீ லக்ஷ்மி, கலிபோர்னியா தமிழ் அகாதெமிக்காக நான்காம் வகுப்புக்காகத் தமிழ்ப் பாடங்கள் ( 2020) எழுதியுள்ளார்.
36. எம்.எஸ்.ஸ்ரீ லக்ஷ்மி,
திருநெறியதமிழ் - சமயக் கட்டுரைகளின் தொகுப்பு, சொந்த வெளியீடு , ஜூலை 2023.
37. எம்.எஸ்.ஸ்ரீ லக்ஷ்மி, பூந்தோட்டம்
-சிறுவர் கவிதை நூல் , சொந்த
வெளியீடு, 2025
38. எம்.எஸ்.ஸ்ரீ லக்ஷ்மி, அறிந்ததும் அறியாததும்
–சிங்கப்பூர்குறித்த பல்துறை ஆய்வுக் கட்டுரைகள், சொந்த வெளியீடு, ஜனவரி 2025.
39. எம்.எஸ்.ஸ்ரீ லக்ஷ்மி, மிட்டாய்த்தட்டு
-சிறுகதைத் தொகுப்பு, ஸ்ரீலக்ஷ்மி வெளியீடு , 2026.
முனைவர் இலக்குமி பெற்றுள்ள விருதுகள்:
1.
சிறந்த பெண் எழுத்தாளர் விருது – திருப்பூர் மத்திய அரிமா சங்கம், 2007. சிங்கப்பூர்த் தமிழ் இலக்கியம் – ஆழமும் அகலமும், 2006. புத்தகத்திற்காக இவ்விருது வழங்கப்பட்டது.
2.
சிறந்த ஆய்வு நூல் விருது, 2007, மேற்கூறிய புத்தகம்.
3.
சிறந்த ஆய்வு நூல் விருது, 2008, புதுமைப்பித்தன் இலக்கியச்சர்ச்சை,
இந்தியப்பல்கலைக்கழகத்
தமிழாசிரியர் மன்றம்.
4.
சிறந்த ஆய்வு நூல் விருது, 2009, மிதிலைப்பட்டிக் கவிராயர்கள் –
வாழ்வும் வாக்கும், மணிவாசகர் பதிப்பகம்,
சென்னை,
2009.
5.
சிறந்த பதிப்பகத்திற்குரிய விருது (தருமு பதிப்பகம்), மணிவாசகர்
பதிப்பகம், சென்னை, 2009.
6.
ஆய்வியல் திலகம், (சிறந்த ஆய்வாளருக்குரிய விருது) வாசுகி
கண்ணப்பன் அறக்கட்டளை விருது, சென்னை, 30.12.2012.
7.
“சித்தாந்தச் செல்வி” (சைவ சித்தாந்தப் பணிக்காக),
அருள்நெறித்
திருக்கூட்டம், கோலாலும்பூர், மலேசியா. 1990.
8.
தமிழ்த்தொண்டிற்கெனக் கம்பன் கழகம்அளித்த விருது ,
காரைக்குடி, 2014 மார்ச் 14 அன்று வழங்கியது.
9.
அ.ச.ஞா இலக்கிய விருது, “பெண்ணிய நோக்கில் கம்பர்” சிறந்த
ஆய்வுநூலுக்கான விருது,
சென்னை கம்பன் கழகம்,
2015.
10. மிகச்சிறந்த – முன்னுதாரண
அன்னை விருது, ஜாமியா சிங்கப்பூர்
என்னும் அற நிறுவனத்தால்
வழங்கப்பட்டது. 30.09.2017.
11. அம்மா இலக்கிய விருது,
தமிழ்
வளர்ச்சித்துறை, தமிழ்நாடு அரசு,
அயலகத்தில் வாழும்
தமிழ்ப்பெண் அறிஞர்களின் தமிழ்மொழி,
இலக்கியப்பங்களிப்புக்காக
முன்னாள் தமிழக முதல்வர் அமரர்
ஜெயலலிதா அறிவித்த விருது. 05.04.18 அன்று சென்னையில்
வழங்கப்பட்டது.
12. திருப்பூர் அரிமா சக்தி
விருது, ஐம்பெருங்காப்பியங்களில் தமிழர்
வாழ்வியல் என்னும் நூலுக்காக
06.05.18 அன்று வழங்கப்பட்டது.
13.
பாரதிதாசன் மூத்த படைப்பாளர் விருது, தமிழ்நாடு முற்போக்கு
எழுத்தாளர்கள் & கலைஞர்கள் சங்கம், தேனி, டிசம்பர் 2019.
14.
ஆய்வு நூல் பரிசு, கருவூர் திருக்குறள் பேரவையின் 34ஆம் ஆண்டு
விழா, சிங்கப்பூர் இலக்கியம்- கருத்தரங்கக் கட்டுரைகள்
என்னும் நூல்
பெற்றுள்ளது. 05.01.2020.
15. சாதனைப் பெண் விருது – தமிழ் இலக்கியப்
பங்களிப்புக்காக
நந்தவனம் பவுண்டேசன், திருச்சி (தமிழ்நாடு) 08.03.2020
16.
இரா.நாகசுந்தரம் நினைவு விருது, கலை இலக்கிய விமர்சன
நூலுக்கான சிங்கப்பூர்
இலக்கியம் கருத்தரங்கக்
கட்டுரைகள், தமிழ்நாடு
முற்போக்கு எழுத்தாளர்கள்
கலைஞர்கள் சங்கம் மாநிலக்குழு,
மதுரை, மே 2020.
17. சிறப்புப்பரிசு, சிங்கப்பூர் இலக்கியம்
கருத்தரங்கக் கட்டுரைகள், தகவு
படைப்பு இலக்கிய விருதுகள் 2020,
கூத்தப்பாக்கம்,
கடலூர், தமிழ்நாடு.
18.
சிறந்த சிறார்இலக்கிய நூலுக்கான இரண்டாம் பரிசு,
லட்சுமி –
பெருமாள்
நினைவுநூல் போட்டி உலகளாவிய பெண் எழுத்தாளர்
-
களுக்கானது, 2021, அரும்புகளின் பாடல்கள்
என்னும் நூலுக்காக
வல்லினச்சிறகுகள் (அட்லாண்டா), ஒரு துளிக் கவிதை
(புதுச்சேரி) &
மருத்துவர் நடராஜன் பெருமாள்
ஆகியோர் நடத்திய போட்டி, 2022.
19. தமிழாகரர் விருது,
மருதம் கலை இலக்கிய அமைப்பு,
கும்பகோணம்.
கலைஞரின் படைப்புகளில் பன்முகப் பார்வை, பன்னாட்டுக் கருத்தரங்கம், 09.04.22
20. செந்தமிழ்த் திலகம் என்னும் பட்டம், சிறந்த தமிழ்ப்பணிக்காக,
குன்றக்குடித் திருவண்ணாமலை
ஆதீனம், வைகாசி விசாகப்
பெருவிழாவின்போது
வழங்கப்பட்ட விருது. 02.06.23.
21. சான்றோர் விருது,
அனைத்திந்தியத்
தமிழ் எழுத்தாளர்கள் சங்கம்,
சென்னை, 09.08.23.
22. வளர்தமிழ் மாமணி விருது,
பன்னாட்டுத்
தமிழ்மொழி பண்பாட்டுக்
கழகம், சென்னை தமிழ்
வளர்ச்சிக்கழகம் ஆகியவை வழங்கிய
பன்னாட்டு விருது. தமிழ்நாடு
திறந்த நிலைப் பல்கலைக்கழகம்,
சென்னை, 12.08.23.
23. உலகத் தமிழ் மாமணி,
உலகத்தமிழ்ப்
பண்பாட்டு இயக்கம்,
மொரீசியஸ் தீவு,
24.09.23.
24.
சேக்கிழார் விருது, திருநெறிய தமிழ் என்னும் நூல் சிறந்த
ஆன்மீக
நூலுக்கான முதல்பரிசு,
சேக்கிழார்
ஆராய்ச்சி மையம், 26.07.24.
25.
முத்தமிழ்ப் பேரரசி, ஈப்போ முத்தமிழ்ப் பாவலர் மன்றம்,
பேரா
மாநிலத் தமிழ்ப்பள்ளித்
தலைமையாசிரியர் கழகம்பன்னாட்டுத் தமிழ் எழுத்தாளர் மாநாடு, 21.07.2024,.
26.
செல்லம்மாள் பாரதி விருது, வானவில் பண்பாட்டு மையம், 2024.
27.
சிறந்த ஆய்வாளர் விருது, நகரத்தார் வலையொளித் தொலைக்காட்சி,
டிசம்பர் 2024.
28.
வாழ்நாள் சாதனையாளர் விருது , மருதம் கலை இலக்கிய
ஆய்வு
மையம், கும்பகோணம், 2026.
29.
பூந்தோட்டம் என்னும் சிறுவர் நூலுக்கான சிறப்புப்பரிசு , கருவூர்
திருக்குறள் பேரவை, கரூர். 2026.
30. இலக்கியப் பேரொளி விருது, மலேசியாவின் பேரா மாநிலத்து ஈப்போ முத்தமிழ்ப் பாவலர் மன்றத்தினரால் 22.08.26 அன்று வழங்கப்பட்டது.
