பன்னாட்டுக்கருத்தரங்கு

தமிழர் அலைவு உழல்வு(Tamil Diaspora) பன்னாட்டுக்கருத்தரங்கம்-புதுச்சேரி

புதுச்சேரி பிரஞ்சு நிறுவனமும் சென்னைப்பல்கலைக்கழகமும் இணைந்து தமிழர் அலைவு உழல்வு குறித்த கருத்தரங்கை 14,15,16-03-07 நாள்களில் நடத்தின. உலகின் பல நாடுகளைச் சேர்ந்த அறிஞர்கள் பலர் கலந்துகொண்டு ஆய்வுரைகளை வழங்கினர்.சங்க காலம் தொடங்கி இக்காலம்வரை தமிழர்களின் இடப்பெயர்வுக்கான காரணங்கள்,அதனால் பண்பாடு,வாழ்க்கைமுறைகளில் ஏற்பட்ட மாறுதல்கள் ஆராயப்பட்டன.அகதிகள் இந்தியாவில் நடத்தப்படும் முறைகள் விளக்கப்பட்டன.இணையம் புலம்பெயர்ந்த தமிழர்களுக்கு எந்த வகையில் உதவுகின்றது என்பது ஆராயப்பட்டது.புலம்பெயர்ந்தோரின் நாடக முயற்சி,இலக்கியப்படைப்புகள்(கவிதை,புதினம்)மதிப்பீடு செய்யப்பட்டன.அறிஞர்களும்,ஆய்வுமாணவர்களும் மிகுதியாகக்கலந்துகொண்டு பயன்பெற்றனர். முனைவர் மெளனகுரு,யோகராசா,சித்திரலேகா,மார்க்சு,சண்முகம்,கலாம்,சாக்கோப்சன்,மங்கை,உமாசங்கரி,சீனிவாசன் உள்ளிட்ட அறிஞர்கள் கட்டுரை படித்தனர்.முனைவர்குரோ,முனைவர் அரசு,கண்ணன் முயற்சியால் இக்கருத்தரங்கு ஏற்பாடு செய்யப்பட்டது.செய்தி-மு.இளங்கோவன்,புதுச்சேரி பேசி-9442029053

தமிழ் நாட்டியக்கலைஞர் இரகுநாத் மனே

 இரகுநாத் மனே மிகச்சிறந்த நாட்டியக் கலைஞர்.புதுவையைச் சார்ந்த இவரும் நானும் புதுவைப் பல்கலைக்கழத்தில் ஆய்வு மாணவர்களாக இருந்தபொழுது ஒன்றாகப் பழகினோம். பதினைந்து ஆண்டுகளுக்குப் பிறகு 23.02.2007 இல்
கண்டேன். 

 பழைமையை மறவாமல் பழகினோம். பிரான்சு நாட்டுக்குப் பயணமான இவருடன் நெருக்கடியான சூழலிலும் உரையாடினேன். பல குறுவட்டுகளில் பாடியுள்ளார்.நடித்துள்ளார். இவருக்கு நிகராகத்தமிழ் நாட்டிய உலகில் ஒப்புமை காட்ட ஒருவரும் இல்லை. அந்த அளவு நாட்டியத்தைத் தம் உயிர்மூச்சாக்கிக்கொண்டவர். தமிழ் மரபு மீட்கும் உலகம் புகழும் இரகுநாத்மனே அவர்களைத் தமிழ்த்திரைப்படத் துறையினரும், மக்கள் தொலைக்காட்சி முதலான ஊடகத்துறையினரும் பயன்படுத்திக் கொள்ளவேண்டும். 

 நாட்டிய நன்னூல் நன்கு கற்ற இந்த மேதையைத் தமிழ் உலகிற்கு முன்மொழிந்து அறிமுகப்படுத்துவதில் உள்ளம் பூரிப்படைகிறேன். இவரைப் பற்றி விரிவாக எழுதுவேன். மேலும் அறிய www.raghunathmanet.com

மு.இளங்கோவன்,புதுச்சேரி
பேசி -9442029053