நிகழ்வுகள்

// நன்றாற்ற லுள்ளுந் தவறுண்டு அவரவர் பண்பறிந் தாற்றாக் கடை (திருக்குறள்) (பொருள்: அவரவருடைய இயல்புகளை அறிந்து அவரவருக்குப் பொருந்துமாறு செய்யாவிட்டால், நன்மை செய்வதிலும் தவறு உண்டாகும். மு.வ.) //

செவ்வாய், 2 ஜனவரி, 2018

சிங்கப்பூரில் விபுலாநந்த அடிகளார் ஆவணப்படம் வெளியீடு


சிங்கப்பூர் முன்னாள் நாடாளுமன்ற உறுப்பினர் ஆர். தினகரன் விபுலாநந்த அடிகளார் ஆவணப்படத்தின் ஒளிவட்டினை வெளியிட, ஹனிபா வணிக நிறுவனங்களின் உரிமையாளர் முகமது ஹனிபா பெற்றுக்கொள்ளும் காட்சி.

இலங்கைத் தமிழறிஞர் விபுலாநந்த அடிகளாரின் ஆவணப்படம் வெளியீட்டு விழா சிங்கப்பூரில் உள்ள ஆனந்தபவன் உணவக மாடியில் 31.12.2017 மாலை நான்கு மணிக்கு நடைபெற்றது.

சிங்கப்பூரில் உள்ள கங்கைகொண்டான் கழகமும், கவிமாலை இலக்கிய அமைப்பும் இணைந்து ஏற்பாடு செய்திருந்த இந்த நிகழ்ச்சியில் கவிமாலை மா. அன்பழகன் வரவேற்புரையாற்றினார். விபுலாநந்த அடிகளார் ஆவணப்படத்தினைச் சிங்கப்பூர் முன்னாள் நாடாளுமன்ற உறுப்பினர் ஆர். தினகரன் வெளியிட,  சிங்கப்பூர் ஹனிபா வணிக நிறுவனங்களின் உரிமையாளர் முகமது ஹனிபா முதற்படியினைப் பெற்றுக்கொண்டார். சிறப்புப் படிகளைப் பொறியாளர் வெட்டிக்காடு இரவிச்சந்திரன், திரைப்படத் தயாரிப்பாளர் அருமைச் சந்திரன் ஆகியோர் பெற்றுக்கொண்டனர்.

சிங்கப்பூர்த் தமிழ்ப் பேராசிரியர் சுப.திண்ணப்பன் ஆவணப்படத்தின் சிறப்புகளை எடுத்துரைத்து அறிமுகம் செய்தார். ஆவணப்பட இயக்குநர் மு.இளங்கோவன் தம் படப்பிடிப்பு அனுபவங்களையும், ஆவணப்படத்தின் நோக்கங்களையும் எடுத்துரைத்தார். இந்த நிகழ்ச்சியில் கவிஞர் பிச்சினிக்காடு இளங்கோ, கவிஞர் தியாக.இரமேஷ், கவிஞர் தங்க. வேல்முருகன், எழுத்தாளர் இலியாஸ், வழக்கறிஞர் கலாமோகன், பேராசிரியர் ஆ.இரா. சிவக்குமாரன், எழுத்தாளர் சங்கத் தலைவர் நா. ஆண்டியப்பன், கவிஞர் சீர்காழி செல்வராசு உள்ளிட்ட படைப்பாளர்களும், பல்வேறு தமிழமைப்புகளைச் சேர்ந்தவர்களும் அதிகமாகக் கலந்து கொண்டனர்.

ஆர். தினகரனிடம் இருந்து, முனைவர் சுப. திண்ணப்பன் ஒளிவட்டினைப் பெறும் காட்சி. அருகில் கவிமாலை மா. அன்பழகன், மு.இளங்கோவன், பொறியாளர் ப.புருஷோத்தமன்

மு.இளங்கோவனைச் சிறப்பிக்கும் முகமது ஹனிபா

ஒளிவட்டினைப் பெற்றுக்கொள்ளும் 
வெட்டிக்காடு சோ.இரவிச்சந்திரன்

திரைப்படத் தயாரிப்பாளர் அருமைச்சந்திரன் அவர்கள் ஒளிவட்டினைப் பெறும் காட்சி

அரங்கு நிறைந்த அறிஞர் பெருமக்கள்

பார்வையாளர்களின் ஒருபகுதியினர்

ஆவணப்படத் திரையிடலை ஆர்வமுடன் கண்டுகளிக்கும் தமிழார்வலர்கள்

விபுலாநந்த அடிகளார் ஆவணப்படம் ஒளிவட்டினைப் பெறும் தொடர்பு முகவரி:
0091 9442029053

படங்கள் உதவி: கவிஞர் தியாக.இரமேஷ்

2 கருத்துகள்:

கரந்தை ஜெயக்குமார் சொன்னது…

மகிழ்ந்தேன் ஐயா

Dr B Jambulingam, Assistant Registrar (Retd), Tamil University சொன்னது…

தங்களின் பணி பாராட்டுதற்குரியது. மனம் நிறைந்த வாழ்த்துகள்.