தமிழகத்தில் கணினி, இணையம் பரவ முதலில் செய்ய வேண்டுவன:

• தமிழகத்தில் உள்ள மேல்நிலைப்பள்ளி மாணவர்களுக்குத் தமிழ்த்தட்டச்சு பழக வாய்ப்புகளை ஏற்படுத்தித் தர வேண்டும். 

• தமிழக அரசு வழங்கியுள்ள விலையில்லா மடிக்கணினியில் தமிழ்த்தட்டச்சு பழகுவதற்குரிய மென்பொருள்கள் உள்ளன. இதனை மாணவர்கள் அறிந்து பழகுவதற்கு ஆசிரியர்கள், கணினி, இணைய ஆர்வலர்கள் தமிழகம் முழுவதும் அந்த அந்தப் பகுதிகளில் முன்னின்று உழைக்க வேண்டும். 

• தமிழில் தட்டச்சிட 10 நிமையம் ஒதுக்கினால் போதும். விரைவில் கற்றுக்கொள்ளலாம். 

• தமிழ் 99 விசைப்பலகை தமிழ் இலக்கண மரபுணர்ந்து உருவாக்கப்பட்டுள்ளதால் பழகுவதற்கு எளிது. 

• தமிழக அரசு கல்வித்துறையின் சார்பில் தமிழ்த் தட்டச்சு வாரம் கொண்டாடி விழிப்புணர்வு உண்டாக்கலாம். 

• சுழற்சங்கம், தொண்டு இயக்கங்கள், தமிழமைப்புகள், தமிழ்த் தட்டச்சுக்கு ஒருநாள் சிறப்புப் பயிலரங்குகள் நடத்துவதன் வழியாகத் தமிழ் வளர்ச்சிக்குத் துணைநிற்கலாம். 

• அனைத்து மாணவர்களுக்கும் தமிழ்த் தட்டச்சுப் பயிற்சி வழங்கிய பள்ளிகளுக்குப் பரிசுகள் வழங்கி ஊக்கப்படுத்தலாம்.