தென்கச்சி கோ.சுவாமிநாதன் உடல் அவர் மாமனார் ஊரான துகிலி கஞ்சனூரில் நல்லடக்கம்!

சென்னைத் தனியார் மருத்துவமனையில் மாரடைப்பு நோயால் இயற்கை எய்திய தென்கச்சி கோ.சுவாமிநாதன் அவர்களின் உடல், மருத்துவமனையில் இருந்து நேராக அவர் மாமனார் ஊரான துகிலி கஞ்சனூர் எடுத்துச் சென்று அங்கு அடக்கம் செய்யப்பட உள்ளது.(துகிலி கஞ்சனூர் கும்பகோணத்திற்கு அருகில் உள்ள ஆடுதுறை,சூரியனார்கோயில் அருகில் உள்ளது).

உடையார்பாளையம் வட்டத்திலுள்ள தென்கச்சிப்பெருமாள் நத்தம்,செயங்கொண்டம், தா.பழூர்.ஆண்டிமடம், உதயந்ததம், கோடாலிகருப்பூர், உட்கோட்டை உள்ளிட்ட ஊர்களிலும், அணைக்கரை,திருப்பனந்தாள், சோழபுரம்,கும்பகோணம் உள்ளிட்ட ஊர்களிலும் தகவல் தெரிந்து அவரின் உறவினர்கள் நண்பர்கள் கவலைகொண்டு அவர் உடலைக் காணக் கூடியுள்ளனர்.

அரியலூரில் நடைபெறும் தமிழ்வழிக்கல்வி வலியுறுத்தும் போராட்டக்களத்தில் தென்கச்சியாரின் மறைவுக்கு இரங்கல் தெரிவிக்கப்பட்டுள்ளது.