நிகழ்வுகள்

// நன்றாற்ற லுள்ளுந் தவறுண்டு அவரவர் பண்பறிந் தாற்றாக் கடை (திருக்குறள்) (பொருள்: அவரவருடைய இயல்புகளை அறிந்து அவரவருக்குப் பொருந்துமாறு செய்யாவிட்டால், நன்மை செய்வதிலும் தவறு உண்டாகும். மு.வ.) //

வெள்ளி, 21 டிசம்பர், 2007

தமிழக,தமிழ் வரலாற்றில் மருத்துவர் இராமதாசு அவர்களின் பங்களிப்பு...

தமிழக வரலாற்றில் தந்தை பெரியார் அவர்கள் முழுநேரத் தமிழகச் சிந்தனையாளராக இருந்தார்.தமிழ் மக்களுக்கு இடையூறு வரும்பொழுதெல்லாம் அம் மக்களுக்குக் குரல் கொடுப்பதைக் கடமையாகக் கொண்டிருந்தார்.அம்மக்களுள் பலர் அவரை அவதூறு பேசினானாலும் அவர்களுக்கு உழைப்பதையே கடமையாகக் கொண்டிருந்தார்.அவ்வகையில்
தமிழக மக்களுக்குக் கிடைத்துள்ள உயரிய தலைவர்தான் மருத்துவர் ச.இராமதாசு அவர்கள்.

தமிழ்நாடும் தமிழ்மொழியும் வந்தேறிகளின் வேட்டைக்காடாக மாறாமல் இருக்க அவர் மேற்கொண்ட செயல்பாடுகள் என்றும் வரலாற்றில் நின்று நிலவும்.இளைஞர்கள் தவறான வழிக்குச் செல்லாமல் இருக்க அவர் திட்டமிட்டுப் பல நல்ல செயல்களைச் செய்துள்ளார்.
இளைஞர்களின் கல்வி நலன்,வேலைவாய்ப்பு,பணி உயர்வு இவற்றை வைத்து இவர் நடத்திய இட ஒதுக்கீட்டுப் போராட்டம்இந்திய மக்களுக்கே வழிகாட்டக் கூடியதாக மாறியுள்ளதை இந்தியச்சமூக வரலாறு உணர்ந்தவர் அறிவர்.

சிறப்புப் பொருளாதார மண்டலம் என்ற போர்வையில் தமிழகம் கொள்ளை போவதைத் தடுத்து நிறுத்தியவர் மருத்துவர் ச.இராமதாசு அவர்கள்.இந்தியப் பெரு முதலாளிகள் சில்லறை வணிகப் போர்வையில் நுழைந்தபொழுது தடுத்து நிறுத்தியவரும் இவரே.
குடிப்பழக்கத்தால் குடும்பப்பெண்கள் மிகுதியாகப் பாதிக்கப்படுவதைத் தம் மகளிர் அணி வழியாக எதிர்ப்பவரும் மருத்துவரே.

மருத்துவமனைகளில் நோயாளிகளுக்கு உரிய மருத்துவ உதவி கிடைக்கவேண்டும் என்று மருத்துவராக இருந்து இவர் கொடுக்கும்குரல் நோயாளிகளுக்கு அமிழ்தமாக இருக்கிறது.
தமிழ்மொழியைச் சிதைத்து எழுதுவதையே இதழ்கள் தொழிலாகச் செய்து கொண்டிருக்கையில் இவர் தமிழ் ஒசை ஏட்டைநல்ல தமிழில் நடத்துவதைப் பார்க்க மொழிஞாயிறு பாவாணரும்,பாவலரேறு பெருஞ்சித்திரனாரும் இல்லையே என்ற ஏக்கமே மேலிட்டு நிற்கிறது.வானூர்திகளும்,குற்றச்சாற்றும்,மகிழ்வுந்தும்,போக்கிலிகளும் இவரால் அல்லவா வெளியேதெரிந்தனர்.

குத்தாட்டங்களும்,அருவருப்பான உடலசைவுகளும்,அழுதபெண்களும்,பேய்பிசாசு கதைகளும் கொண்டு உயர்சாதியினர் அரசோச்சும் கூடாரமாக இருந்த தொலைக்காட்சிகளின் நடுவே கறுப்புமுகங்கள் கதைத்தலைவர்களானது மருத்துவரால்தானே நடந்தது.தொலைக்காட்சிகளில் இலக்கணம் இலக்கியம்,தமிழிசை,நாட்டுப்புறக்கலைகள் புதுவாழ்வு பெற்றது
மருத்துவர் ச.இராமதாசு அவர்களால்தானே நடைபெற்றது.

சென்னை நாகரில் தெலுங்கிசை தெருக்கள்தோறும் உள்ள சபாக்களில் அரங்கேறும்பொழுது தமிழ்ப்பண்ணிசை மனிமன்றம் கண்டவர் இவரல்லவா? அதனால்தான் மலேசியா உள்ளிட்ட அயல்நாடுகளில் வாழும் தமிழ் உணர்வாளர்கள் மருத்துவர் ச.இராமதாசு அவர்களைப்
பெரிதும் மதிக்கின்றனர்.

இவரின் தைலாபுரம் தோட்டம் இளைஞர்களை,மகளிரை,அரசியல் கட்சியினரை,எழுத்தாளர்களை,கலைஞர்களை அறிவாளிகளாக மாற்றும்
பயிற்சிப் பயிலரங்காக உள்ளதை அங்குச்சென்று பார்த்துத் தெரிந்துகொள்ளலாம்.

2 கருத்துகள்:

கல்வெட்டு (எ) பலூன் மாமா சொன்னது…

//இந்தியப் பெரு முதலாளிகள் சில்லறை வணிகப் போர்வையில் நுழைந்தபொழுது தடுத்து நிறுத்தியவரும் இவரே.
//

???

மக்கள் தொலைக்காட்சியைச் சொல்லுங்கள், அல்லது அவரின் தமிழ் இசை இயக்கம் பற்றிச் சொல்லுங்கள்..அதற்காக ரிலையன்ஸ் வகையறாக்களை "தடுத்து நிறுத்தினார்" என்று இடைச் செருகல் கூடாது. அது கண்முன்னே வரலாற்றை திரிப்பது. போராட்டம் நட்த்தினார் என்று சொல்லுங்கள் சரி. அதோடு அவர் அடுத்த போராட்டத்திற்கு போய்விட்டார்.

கோ-கோ கோலாவிற்கு அன்புமணி சர்டிபிகேட் கொடுத்தார். தாமிரபரணி ஆறுக்கு மார்க்கெட் வரும் வகையில்.

நிச்சயம் இவரின் அரசியல் குழப்பங்களுக்காக நல்ல பணிகள் மூடி மறைக்கப்படக்கூடாது, அதே சமயம் சந்தில் சிந்து பாடவும் கூடாது. :-))

அ.கா என்கிற அ. கார்த்திகேயன் சொன்னது…

மருத்துவர் அய்யாவின் நல்ல செயல்களை இந்த உலகம் புரிந்து கொள்வதில்லை என்பது வருத்தமான விசயம்.....இந்த மக்களுக்கு
நல்லவர்கள் தேவை இல்லை.. திரைப்படமும் மாணா மயிலாடயும் தான்....