கலாநிதி ஈழத்துப்பூராடனார்(13.12.1928-20.12.2010)
என் பதினேழு ஆண்டு கால நண்பரும், தந்தையார் நிலையிலிருந்து என் குடும்பத்துக்கு ஆறுதல் மொழிகளும் தேறுதல் உதவிகளும் செய்துவந்தவருமான கலாநிதி ஈழத்துப்பூராடனார் என்னும்
தமிழ்ச்சான்றோர் 20.12.2010 இல் கனடாவில் தம் எண்பத்திரண்டாம் அகவையில் இயற்கை எய்தினார் என்ற செய்தியைக் கனடாவிலிருந்து என் உடன்பிறப்பு செந்தி அவர்கள் செல்பேசியில் இப்பொழுது அறிவிக்க அதிர்ந்துபோனேன். நானும் என் குடும்பத்தினரும் ஆறாத்துன்பத்தில் உள்ளோம். கையற்றுக் கலங்கும் ஈழத்துப்பூராடனார் குடும்பத்தினருக்கும் பன்னாட்டில் வாழும் அவரின் தமிழ் வாசகர்களுக்கும் என் ஆழ்ந்த இரங்கலைத் தெரிவித்துக்கொள்கின்றேன்.
