தூய நெஞ்சக் கல்லூரியின் வீரமாமுனிவர் தமிழ் மன்றத்தின் முத்தமிழ் மன்ற விழா

வேலூர் மாவட்டம் திருப்பத்தூர் தூய நெஞ்சக் கல்லூரியின் வீரமாமுனிவர் தமிழ் மன்றத்தின் சார்பில் முத்தமிழ் மன்ற விழா நடைபெறுகின்றது.

பல்லூடகத் தாக்கமும் சமூகப் போக்கும் என்ற பொருண்மையில் விழா நடைபெறுகின்றது. முனைவர் நெல்லை.சு.முத்து அவர்கள் இந்த விழாவை இன்று தொடங்கி வைத்தார்கள்.

இன்று (08.12.2012) சனிக்கிழமை பிற்பகல் நடைபெறும் நிறைவு விழாவில் நான் கலந்துகொண்டு நிறைவுரையாற்றுகின்றேன். திரைப்பட இயக்குநர் வ.கௌதமன் அவர்களும் கலந்துகொண்டு உரையாற்றுகின்றார்.

என் பேச்சைத் தமிழ் இணையத்தை அறிமுகப்படுத்தும் வகையிலும், மாணவர்களுக்குப் பயன்படும் வகையிலும் அமையும். நண்பர் செல்வமுரளி அவர்களும் நிகழ்ச்சிக்கு வர உள்ளார். பேராசிரியர் பார்த்திபராஜா வரவேற்புரையாற்ற உள்ளார். 

கல்லூரியின் முதல்வர் அருட்தந்தை அ.மரியசூசை அடிகளார் கலந்துகொண்டு சிறப்பிக்க உள்ளார்கள். கல்லூரிப் பேராசிரியர்களும் மாணவர்களும் இந்த நிகழ்ச்சியைச் சிறப்பாக ஒருங்கிணைத்துள்ளனர்.

தமிழ் இணைய ஆர்வலர்கள் கலந்துகொள்ளலாம்.